BECE 2014 Asante Twi Past Questions – Objectives (Paper 1)

June 2014
Ghanaian Language & Culture – Twi (Asante) 
PAPER 1

45 minutes

Yi mmuaeɛ A-D yi mu baako a ɛyɛ paa a ɛfa Akanfoɔ nkyea, edin ne abusuabɔ ho.

1. Akanfoɔ kyea obi a ne busuani afiri mu sɛn?
A. Afiri mu
B. Gyae su
C. Kosɛ
D. Yaakɔ

2. Sɛ obi redidi a Akanfoɔ kyea no sɛn?
A. Kuta mu o!
B. Adwuma o!
C. Ayikoo!
D. Me nsa aka o!

3. Sɛ abɔfra bi de Asaaseasa a, na ɛkyerɛ sɛ ɔyɛ
A. temanmuhunu
B. ɔdehyeɛ
C. bagyina
D. ɔmamfrani

4. Sɛ awofoɔ bi brɛ ansa na wɔawo abɔfra bi a, wɔfrɛ no
A. Abayie
B. Abɛbrɛsɛ
C. Afriyie
D. Akyirem

5. Ɔbarima ware a, ne yere nuammarima yɛ ne
A. koranom
B. nkummaafoɔ
C. nsenom
D. nkontanom

6. Wo maame wɔfa yɛ wo
A. abusuapanin
B. papa
C. nana
D. wɔfa

7. Ɔbaa bi wo a, ne mma no deɛn ne ne nana?
A. Nanakumaa
B. Nanankasoa
C. Nananom
D. Nsenom

8. Sɛ yɛbɔ ɔhene mmrane sɛ Otumfoɔ a, na ɛkyerɛ sɛ
A. ɔwɔ tumi
B. ɔpɛ ntɔkwa
C. ɔyɛ kɛseɛ
D. ɔwɔ ahoɔden

Yi mmuaeɛ A-D yi mu baako a ɛyɛ paa a ɛfa Akanfoɔ akyiwadeɛ, owuo, adedie ne nsaguo ho.

9. Akanfoɔ se sɛ woredware a, nnto dwom ɛfiri sɛ
A. Samina bɛkɔ w’anom
B. Wonnware ntɛm
C. Nsuo bɛkɔ w’anom
D. Wo ho mfi

10. Agya bi wu a, hwan na ɔtɔ adaka no?
A. Abusuafoɔ
B. Anuanom
C. Mma
D. Okunafoɔ

11. Amanneɛ bɛn na wɔyɛ de gya owufoɔ kwan korakora?
A. Wɔdede no
B. Wɔdware no
C. Wɔgu nsa
D. Wɔyɛ no ayie

12. Sɛ odi di owufoɔ bi adeɛ a,
A. ɔtɔ owufoɔ no agyapadeɛ no
B. ɔhwɛ owufoɔ no agyapadeɛ so
C. ɔtɔn owufoɔ no agyapadeɛ no
D. wɔde owufoɔ no agyapadeɛ kyɛ no.

13. Akanfoɔ regu nsa a, wɔfrɛ
A. Abosom ne ateasefoɔ
B. Nsamanfoɔ ne ateasefoɔ
C. Onyankopɔn ne abosom
D. Onyankopɔn ne ateasefoɔ

14. Ɛdeɛn na Akanfoɔ de wie nsaguo?
A. Amannebɔ
B. Nkamfoɔ ne ntontom
C. Nhyira ne nnome
D. Ɔfrɛ

Yi mmuaeɛ A-D yi mu baako a ɛyɛ paa a ɛfa Akanfoɔ asɛnnie, ahennie ne atetesɛm ho.

15. Ɔhene resuae a,
A. ɔhyɛ atadeɛ
B. ɔka ntam
C. ɔnom nsa
D. ɔto dwom

16. Deɛ ɛdidi soɔ yi mu baako nka asɛm a wɔgyina so tu ɔhene wɔ Akanman mu ho
A. Ɔhene a ɔdidi abɔnten
B. Ɔhene a ɔmpɛ kasa
C. Ɔhene a ɔmmu ne mpanimfoɔ
D. Ɔhene a ɔyɛ sadweam

17. Abusuapanin adwuma titire ne sɛ
A. ɔhwɛ abusua agyapadeɛ so
B. ɔhwɛ kuro so
C. ɔhwɛ akunafoɔ
D. ɔtwe manso

18. Deɛ ɛdi kan wɔ asɛnnie mu ne
A. Nkurobɔ
B. Adansedie
C. Agyinatuo
D. Soboɔ

19. Sɛ mpanimfoɔ tu wɔn nan si asɛm so a, ɛkyerɛ sɛ
A. Wɔabu obi bem
B. Wɔabu ntɛnkyea
C. Wɔatu asɛm no ahyɛ da
D. Wɔammu obiara fɔ

20. Asantefoɔ atetesɛm kyerɛ sɛ wɔn ……………hyɛ Sikadwa Kofi mu.
A. Ahoɔden
B. Animuonyam
C. Nyansa
D. Sunsum

21. Ɔkɔmfo Anɔkye yii Sikadwa Kofi firii
A. ewiem
B. ɛfam
C. adan mu
D. Nsuo mu

Yi mmuaeɛ A-D yi mu baako a ɛyɛ paa a ɛfa Akanfoɔ bragorɔ, awareɛ, nnwuma, afahyɛ ne nsɛnkyerɛnneɛ ho.

22. Ɔbaa a yɛregoro no bra bɔ kosua a yɛde ka n’ano mu a, ɛkyerɛ sɛ
A. ɔrennya ahotɔ
B. ɔrenwo ba
C. ɔrennya kunu
D. ɔrenyɛ yie

23. Yeinom ka nneɛma a wɔde ka asakyima ano ho.
A. Akokɔ ne odwan
B. Ampesie ne fufuo
C. ɛtɔ ne kosua
D. nsa ne Nsuo

24. Sɛ ɔbarima pɛ sɛ ɔware ɔbaa foforɔ ka ne yere ho a,
A. ɔgyae ne yere panin no
B. ɔgu ne yere panin no hyire
C. ɔtua ayeferɛ
D. ɔpata ne yere panin no

25. Ɔbarima ware maa baanu a, mmaa no yɛ
A. Anuanom
B. Nkummaafoɔ
C. Akorafoɔ
D. Yerenom

26. Deɛ ɛdidi soɔ yi mu baako de awaregyaeɛ ba wɔ Akanman mu
A. Ɔbarima a ɔdɔ Beneda
B. Ɔbarima a ɔdidi dodo
C. Ɔbarima a ɔnni ahoɔden
D. Ɔbarima a ahia no

27. Ɔtomfoɔ de saa nneɛma yi mu bi yɛ n’adwuma.
A. Nsuo, sradaa, dadeɛ
B. Sradaa, afa, egya
C. Afa, dadeɛ, egya
D. Egya, Nsuo, sradaa

28. Aduane a wɔde ma nsamanfoɔ afahyɛ berɛ mu no, wɔmfa …….nto mu.
A. Gyeene
B. Nam
C. Ntoosi
D. Mako

29. Dwumadie titire bɛn na wɔde wie afahyɛ?
A. Wɔbɔ dwa
B. Wɔkɔ nkonnwafie
C. Wɔsiesie nsɛm
D. Wɔyɛ kwasafodwuma

30. Ako yɛ Agonafoɔ akraboa a ɔgyina hɔ ma
A. Ahoɔherɛ
B. Anoteɛ
C. Animuonyam
D. Ahoteɛ

31. Ɔhene a nwa ne akyekyedeɛ sisi n’akyeampoma so kyerɛ sɛ
A. ɔwɔ tema
B. ɔpɛ asomdwoeɛ
C. ɔnim nyansa
D. ɔpɛ ntɔkwa

32. Akanman mu sɛ dɔsɔ si obi asene a na ɛkyerɛ sɛ ɔyɛ
A. ɔhene
B. ɔyaresafoɔ
C. nkonyaayifoɔ
D. ɔkɔmfoɔ

Yi mmuaeɛ A-D yi mu baako a ɛyɛ paa a ɛfa Akanfoɔ asranna, anansesɛm, mmɛ ne agya rekɔ ho.

33. Ɔbosome a ɛtɔ so nsia din de
A. Ahinime
B. Ayɛwɔhomumɔ
C. Kitawonsa
D. Oforisuo

34. Nnafua aduasa na ɛwɔ abosome kuo yi mu.
A. Oforisuo, Ɛbɔ
B. Ɔpɛpɔn, Kɔtɔnimma
C. Ɔpɛnimma Obubuo
D. Ɔsannaa, Kitawonsa

35. Anansesɛm mu aberewa gyina hɔ ma
A. Nyinkyerɛ
B. Ntoboaseɛ
C. Nsekuro
D. Nyansa

36. Wosuro atɛkyɛ mpaboa a,
A. Wohyɛ n’atadeɛ
B. Wohyɛ ne kyɛ
C. Wofira ne ntoma
D. Wohyɛ ne pieto

37. Abɔfra nnyinii a, ɔnsere
A. ɔgramoo
B. ɔkɛseɛ
C. akwatia
D. ateae

38. Abɔfra repɛ kɔkɔɔ ahwɛ a, yɛde ………..kyerɛ no.
A. kogyan
B. mogya
C. ngo
D. damenama ahaban

39. Agya adeɛ bi wɔ hɔ, ɔnkɔ nsuo nanso daa nsuo wɔ n’ankorɛ mu.
A. Kube
B. Aborɔbɛ
C. Ankaa
D. Amango

40. Agya adeɛ bi wɔ hɔ, sɛ ɛkɔm de no a ɔda fam, sɛ ɔmee a na ɔgyina hɔ. Ɛyɛ
A. Ahina
B. Bɔtɔ
C. Ankorɛ
D. Bokiti

 

End of Objective Test

View 2014 Asante Twi Paper 2 (Essay)

Download Asante Twi PDF and Word Documents

Download 2014 BECE Word Documents