Ga 2015 Past Questions (Paper 2)

June 2015
Ghanaian Language & Culture – (Ga) 2
PAPER 2
ESSAY [1 hour]

PART I
SANEŊMAA (COMPOSITION)
[30 marks]

1. Ha sanebimɔi nɛɛ ateŋ ekome too pɛ hetoo. Ohetoo lɛ afa fe wiemɔkulibii 150.

(a) Ani esa akɛ fɔlɔi atsɔɔ nibii ni sa akɛ gbekɛbii akwɛ yɛ tiivi nɔ. Tsɔɔmɔ nɔ hewɔ.
(b) Ŋmaa lamɔ ko ni ola ni ha omiishɛ ohe be ni ohiɛ tsɛ lɛ.
(c) Tsɔɔmɔ nibii ejwɛ komɛi ni kɛ oshra baa yɛ wɔgbɛjegbɛi lɛ anɔ. Tsɔɔmɔ gbɛi srɔtoi anɔ ni wɔbaanyɛ wɔtsɔ kɛku nɛkɛ oshrai nɛɛ anaa.
(d) Mɛni nitsumɔ obaasumɔ ni otsu wɔsɛɛ?

PART II
SANESƐƐKƆMƆ (COMPREHENSION)
2. Kanemɔ sane ni baa nɛɛ koni oha sanebimɔi ni nyiɛ sɛɛ lɛ fɛɛ hetoo.

Sasaŋsɔtsɛ ko tee shikatsɛ ko ŋɔɔ eyama glasei nyɔŋmai ejwɛ kɛ kpaanyɔ ekɛyafee nii yɛ eshia. Gbii enyɔ ko sɛɛ lɛ, sasaŋsɔtsɛ lɛ tee eyahe glasei ni eyama lɛ amli bibii kwraa, ni ekɛ glasei ni eyama kɛ glasei ni eyama lɛ fɛɛ yaha shikatsɛ lɛ.

Shikatsɛ lɛ hiɛ fee lɛ yaa, ni ebi Sasaŋsɔtsɛ lɛ nɔ shwɛmɔ ni eshwɛɔ lɛ. “Jee nɔ ko” sasaŋsɔtsɛ lɛ to he. “Glasei ni mibama yɛ odɛŋ lɛ eko fɛɛ eko fɔ glasei bibioo, ni bɔ fɛɛ bɔ ni eji lɛ esa akɛ mikɛbaha bo” Shikatsɛ lɛ he glassei lɛ fɛɛ ni eyiŋefeee lɛ kɔshikɔshi.

Gbii enyɔ sɛɛ lɛ afee nɔ ko yɛ sasaŋsɔtsɛ lɛ shia lɛŋ ekoŋŋ. Etee eyana Shikatsɛ lɛ koni ema glasei. Naanyo anibletsɛ lɛ kpakpla glasei ni eyɔɔ yɛ eshia lɛ fɛɛ eha Sasaŋsɔtsɛ lɛ. Ehiɛnɔkamɔ ji ebaana sɛɛ fe tsutsu lɛ.

Be ni agbe nifeemɔ lɛ naa lɛ, sasaŋsɔtsɛ tee shikatsɛ lɛ ŋɔɔ kɛ yaafo ni eeyi etsitsi ma. Ni abi lɛ nɔ ni eba lɛ, ekɛɛ glasei ni ebama lɛ fɛɛ egboi. Shikatsɛ lɛ kɛɛ lɛ akɛ ekawo enaa ŋmɔlɔ. Ekɛfata he akɛ ekɛ nibii ni ebama lɛ fɛɛ aku sɛɛ kɛba. Shi sasaŋsɔtsɛ damɔ he ni edamɔ.

Shikatsɛ lɛyana kojolɔ; eetao jalɛ saneyeli. Ni abi Sasaŋsɔtsɛ lɛ, egba sane lɛ bɔ ni ele lɛ. Sane lɛ fee kojolɔ lɛ ŋmɔlɔ. Kojolɔ lɛ kplɛ bɔni sasaŋsɔtsɛ lɛ kɛɛ lɛ nɔ kɛgbala shikatsɛ anibletsɛ lɛ toi. “Kɛji glasei aaanyɛ afɔ lɛ, amɛaanyɛ amɛgboi hu, jeee nakai ?” ji bɔ abua sane lɛ.

(a) Mɛni sasaŋsɔtsɛ lɛ kɛ glasei lɛ yafee ?
(b) Beni Sasaŋsɔtsɛ lɛ yana Shikatsɛ lɛ klɛŋklɛŋ shinɔ lɛ, glasei enyiɛ shikatsɛ lɛ kɛha lɛ ?
(c) Glasei enyiɛ sasaŋsɔtsɛ lɛ kɛyaha Shikatsɛ lɛ ?
(d) Mɛni hewɔ shikatsɛ lɛ kɛ glasei ni yɔɔ eshia lɛ fɛɛ ha Sasaŋsɔtsɛ lɛ be ni eyana lɛ shi ni ji enyɔ lɛ.
(e) Mɛni hewɔ Sasaŋsɔtsɛ lɛ foɔ be ni eyaa Shikatsɛ lɛ shia lɛ ?
(f) Mɛni ji naanyo anibletsɛ, lɛ ?
(g) Mɛni ji edamɔ he ni edamɔ shishii?
(h) Mɛni ji toigbalamɔ ni akɛha Shikatsɛ lɛ?
(i) Mɛni okase yɛ sane lɛ mli?
(j) Wo sane ni okane lɛ gbɛi. Gbɛi lɛ akafa fe wiemɔkulibii kpawo

PART III
LEXIS AND STRUCTURE
3.
Saamɔ oŋmala saji ni baa nɛɛ ni ofee amɛ dabi
(a) Kofi baaya skul wɔ

(b) Yei hoɔ gbɛkɛ niyenii lɛ

(c) Kojo ewie anɔkwale.

(d) Wɔmiitao wɔnanemɛi lɛ

(e) Kooloi lɛ fɛɛ kpe yɛ tso lɛ shishi

Ŋmalamɔ sutsɔɔlɔi ni yɔɔ saji ni baa nɛɛ amli lɛ.

(f) Etawɔ adesa kuku ko.

(g) Amɛnu koko kla lɛ amrɔ nɔŋŋ.

(h) Loo ŋmɔŋ lɛ yɛ friiji lɛ mli

(i) Gbekɛbii lɛ ye akutu ŋɔɔmɔŋɔɔmɔ lɛ

(j) Miheɔ miyeɔ akɛ gbekɛbii kpakpai ji amɛ.

Saamɔ oŋmala saji ni baa nɛɛ ni okɛ niŋmaa mli okadii ni sa awo mli

(k) Afɔ Kwabla jufɔ

(l) Mɛɛbe mana bo ekoŋŋ

(m) Amɛsɔle amɛkɛe Nyɔŋmɔ naa wɔ mɔbɔ

(n) Eyɛ pɛn pɛnsil kɛ rula

(o) Kwɛmɔ wa

Tsɔɔmɔ wiemɔŋ weku mli ni wiemɔkulibii ni afolɔ amɛshishi lɛ yɔɔ

(p) Kwei he woji komɛi

(q) Naa Anti Ama wu lɛ

(r) Ewie waa yɛ kpee lɛ shishi

(s) Tsɔɔlɔ lɛ kɛ woji lɛ ha amɛ

(t) Naa kooloo tantaŋ ko.

END OF PAPER 2